انا رحت القلعة

This is one of Ahmed Foad Negm’s early poems that I actually like. I am not a big fan of the guy, or more accuratly i depise him but I am a fan of his early work. The poem has also been sung by “Nagham Masry”. It goes alittle something like this:

انا رحت القلعة و شفت ياسين
حوليه العسكر و الزنازين
و الشوم و البوم
و كلاب الروم
يا خسارة يا ازهار البساتين
عيطي يا بهية على القوانين
***
انا شفت شباب الجامعة الزين
احمد و بهاء
و الكردي و زين
حارمينهم حتى الشوف بالعين
و ف عز الضهر مغميين
عيطي يا بهية على القوانين
***
و قابلت سهام
في كلام انسان
منقوش و مأثر في الجدران
عن مصر و عن عمال حلوان
مظاليم العهد المعتقلين
عيطي يا بهية على القوانين
***
و قابلت هناك
منذر و زياد
و قابلت كمان عزت و جواد
اربعة ابطال
شنقوا الجلاد
التل يهوذا الفدائيين
زغرطي يا بلدنا لدول مساجين
و اسمعي يا بلدنا خلاصة القول
و باقولك اهه و انا قد القول
مش ممكن كدة حيحول الحول
على كده و الناس يفضلوا ساكتين
خليكوا فاكرين
خليكوا شاهدين
انا رحت القلعة و شفت ياسين

//
//

عبد الودود

وآه يا عبد الودود
يا رابص ع الحدود
و محافظ ع النظام
كيفك يا واد صحيح
عسى الله تكون مليح
و راجب للأمام
أمك ع تدعى ليك
و ع تسلم عليك
و تجول بعد السلام
خليك ددع لابوك
ليجولوا منين دابوك
و يمصخوا الكلام
.
وآه عبد الودود
ع أجولك و انتخابر
كل الجضيه عاد
و لسه دم خيك
ما شرباش التراب
حسك عينك تزحزح
يدك عن الزناد
خليك يا عبده راصد
لساعه الحساب
آن الأوان يا ولدى
ما عاد إلا المعاد
تنفض الشركه واصل
و ينزاحوا الكلاب
إن كنت ود ابوك
تديب لى تار أخوك
و الأهل يبلغوك
دميعا السلام
.
واه يا عبد الودود
كيفك و كيف زمايلك
عسى الله طيبين
خالك زناتى
داى لك
ضمن المتطوعين
و اختك تطلع يوماتى
ع المشتشفى الجديمه
حاكم ع يمرنوها
فى العركه تكون حكيمه
و محمدين موافى
يتعلم المطافى
و يجولك شد عزمك
و يجولك العوافى
و من هنا الجرايب
و العيله و العيال
ع يبلغوك سلامهم
و لتمه الرجال
و آخر الكلام
نجول لك فى الختام
الله يصون بلدنا
و يحرس السلام
والدك / حسن محارب
غفير برج الحمام
أحمد فؤاد نجم
القاهره 9 يونيو 1967
القصيده من كتاب – أحمد فؤاد نجم .. الأعمال الشعريه الكامله